శ్రీలంక-బంగ్లాదేశ్ మ్యాచ్ లో కొట్టుకోబోయిన ఆటగాళ్లు... వీడియో ఇదిగో!

శ్రీలంక, బంగ్లాదేశ్ జట్ల మధ్య షార్జాలో జరుగుతున్న టీ20 వరల్డ్ కప్ సూపర్-12 మ్యాచ్ లో ఆటగాళ్ల మధ్య ఆగ్రహావేశాలు పెల్లుబికాయి. బంగ్లాదేశ్ ఆటగాడు లిట్టన్ దాస్ ను అవుట్ చేసిన శ్రీలంక బౌలర్ లహిరు కుమార నోటికి పని కల్పించాడు. దాంతో లిట్టన్ దాస్ కూడా దీటుగా జవాబిచ్చాడు. మాటల యుద్ధం ముదరడంతో ఇరువురు ఆటగాళ్లు బాహాబాహీకి సిద్ధమయ్యారు. ఒకరిని ఒకరు నెట్టుకోగా, ఇతర ఆటగాళ్లు వచ్చి వారిని విడదీశారు. దీనికి సంబంధించిన వీడియో సోషల్ మీడియాలో వైరల్ అవుతోంది.